Aao ke ik khwaab buneN kal ke wastay
Warna ye raat, aaj ke sangeen daur ki
Das legi jaano dil ko aisay, ke jaano dil
Ta umr fir na koi hasiN khwaab bun sakeN
***********************************
Go ham se bhaagti rahi ye tez gaam umr
KhwaaboN ke aasray pe kati hai tamaam umr
************************************
ZulfoN ke khwaab, hotoN ke khwaab aur badan ke khwab
Meraje fan ke khwaab, kamale sukhan ke khwaab
Tahzeebe zindagi ke, faroghe watan ke khwaab
ZindaN ke khwab, kucha-e daro resan ke khwaab
************************************
Ye khwaab hi to apni jawaani ke paas thay
Ye khwaab hi to apne amal ki asaas thay
Ye khwaab mar gaye haiN to be-rang hai hayaat
YuN hai ke jaise daste tahe sang hai hayaat
************************************
Aao ke ik khwaab buneN kal ke wastay
Warna ye raat, aaj ke sangeen daur ki
Das legi jaano dil ko aisay, ke jaano dil
Ta umr fir na koi hasiN khwaab bun sakeN
(A poem by: Saahir Ludhyanvi)
Skull Caps 